Дарагія сябры!
Сардэчна запрашаем на сайт Брэсцкага дзяржаўнага
ўніверсітэта імя А.С. Пушкіна!

У нашага ўніверсітэта слаўная гісторыя, якой можна ганарыцца, і перспектыўная будучыня. За параўнальна кароткі час пройдзены шлях ад настаўніцкага інстытута да класічнага ўніверсітэта – цэнтра адукацыі, навукі і культурна-асветніцкага жыцця Заходняга Палесся. Нашых выпускнікоў можна сустрэць ва ўсіх кутках Беларусі, яны паспяхова рэалізуюць сябе ў сацыяльнай сферы, у рэальным сектары эканомікі, у органах дзяржаўнага кіравання, у сілавых структурах, у іншых сферах жыцця грамадства і ўсюды пацвярджаюць высокі ўзровень прафесійнай падрыхтоўкі. I гэта заканамерна. Пастаянны пошук, укараненне перадавых метадаў і тэхналогій арганізацыі адукацыйнага працэсу, развітая інфраструктура, высокакваліфікаваны прафесарска-выкладчыцкі склад забяспечваюць падрыхтоўку ва ўніверсітэце канкурэнтаздольных спецыялістаў.

Мы заўсёды рады бачыць у нашым дружным калектыве мэтанакіраваных, матываваных да атрымання глыбокіх ведаў, крэатыўных маладых людзей – студэнтаў, магістрантаў, аспірантаў. БрДУ імя А.С. Пушкіна адкрывае перад кожным цэлы свет магчымасцяў. Спадзяюся, што наш сайт стане надзейным даведнікам па гэтым свеце!

З павагай, рэктар
Брэсцкага дзяржаўнага ўніверсітэта
імя А.С. Пушкіна
Ю.П. Голубеў