Майстар-клас у фальклорна-краязнаўчай лабараторыі філалагічнага факультэта

9 кастрычніка 2013 года ў вучэбнай фальклорна-краязнаўчай лабараторыі пры кафедры беларускага літаратуразнаўства БрДУ імя А.С.Пушкіна доктар філалагічных навук, прафесар, кіраўнік лабараторыі І.А.Швед арганізавала майстар-клас па выкарыстанні этнаграфічных матэрыялаў у культурна-асветніцкай дзейнасці ўстаноў культуры, пазнаёміла наведвальнікаў з асноўнымі формамі культурна-адукацыйнай дзейнасці музеяў свету ў XXI стагоддзі.

Удзельнікамі сталі кіраўнікі і спецыялісты ўстаноў культуры г.Брэста і Брэсцкай вобласці, якія актыўна ўключыліся ў працэс музейнай камунікацыі. І.А.Швед прадэманстравала шляхам прамога і каменціраванага паказу прыёмы працы экскурсавода этнаграфічнага музея, дэшыфроўкі сімволікі экспанатаў, выкарыстання набыткаў народнай культуры ў працэсе выхавання нацыянальнай самасвядомасці беларусаў.

Удзельнікі майстар-класа сумесна шукалі творчыя рашэнні пытанняў музейнай педагогікі, выкарыстання элементаў нацыянальнага касцюма (пояса, фартуха і інш.) у сцэнічным мастацтве, суадносін фалькларызму і аўтэнтычнасці пры выкананні фальклорных твораў на сцэне. У заключэнні адбылася рэфлексія па выніках сумеснай дзейнасці. 

Вучэбная фальклорна-краязнаўчая лабараторыя