Усяму пачатак – родная мова

З 19 па 24 лютага 2018 года на псіхолага-педагагічным факультэце быў праведзены шэраг мерапрыемстваў, прысвечаных Міжнароднаму дню роднай мовы: літаратурна-краязнаўчае свята «Тут гавару з зямлёй на роднай мове», лінгвістычная гульня «Як даўні скарб, як спадчына, нам даравана мова матчына», літаратурная гасцёўня «На мове, сэрцу зразумелай», акцыі «Далучайся» і «Напісанае застанецца». Усе мерапрыемствы былі накіраваны на папулярызацыю беларускай мовы (старажытнай і ўнікальнай, жывой і мілагучнай, песеннай і паэтычнай), выхаванне ў студэнтаў павагі, любові і цікавасці да роднага слова. Кожнае з мерапрыемстваў было цікавым і займальным, а студэнты падчас іх правядзення праявілі свае творчыя здольнасці, кемлівасць, веданне роднай мовы, пашырылі свае веды пра гісторыка-культурную спадчыну Беларусі і яе сучасныя дасягненні.

Спадзяёмся, што праведзеныя мерапрыемствы дапамаглі зацікавіць нашых студэнтаў прыгожым гучаннем і каларытам беларускага слова, а таксама далучыць іх да нашай спадчыны.

Кафедра агульнаадукацыйных дысцыплін і методык іх выкладання