Узнагароды за актыўнае і плённае супрацоўніцтва

Рэдакцыя часопіса «Пачатковая школа» ўручыла па рэспубліцы 7 сертыфікатаў за актыўнае і плённае супрацоўніцтва. Тры з іх атрымалі прадстаўнікі Брэсцкага дзяржаўнага ўніверсітэта імя А.С.Пушкіна – М.П.Осіпава, Т.А.Кавальчук і І.А.Мельнічук (кожны апублікаваў на працягу мінулага года па 5 артыкулаў).

Па завяршэнні другога паўгоддзя 2013 года сертыфікаты часопіса «Пачатковая школа» атрымалі пастаянныя аўтары, якія ў мінулым годзе прапанавалі шэраг грунтоўных і запатрабаваных артыкулаў. Імі разглядаліся актуальныя пытанні сучаснай школы: бацькоўскія сходы, безадзнакавае навучанне, праектаванне ўрокаў, эканамічная культура малодшых школьнікаў, знаёмства з прафесіямі, алімпіядныя заданні, псіхалагічныя праблемы, псіхакарэкцыйныя практыкаванні. Гэты вопыт заўважаны чытачамі, атрымаў станоўчыя водгукі і прымяняецца ў адукацыйным працэсе.

Віншуем з узнагародай!

Осіпава Марыя Пятроўна, кандыдат педагагічных навук, прафесар, начальнік НМЦ «Школа – Сям’я»

Мельнічук Ірына Аляксандраўна, кандыдат педагагічных навук, дацэнт кафедры педагогікі пачатковага навучання

Кавальчук Таццяна Аляксандраўна, кандыдат педагагічных навук, загадчык кафедры педагогікі