Лекцыі для гродзенскіх студэнтаў

14–15 кастрычніка 2020 г. доктар гістарычных навук, прафесар, загадчык кафедры гісторыі славянскіх народаў Вабішчэвіч Аляксандр Мікалаевіч прачытаў цыкл лекцый для студэнтаў факультэта гісторыі, камунікацыі і турызму Гродзенскага дзяржаўнага ўніверсітэта імя Янкі Купалы. Заняткі праводзіліся ў рамках праграмы “Запрошаны прафесар”, якая рэалізуецца ў гэтай ВНУ у адпаведнасці з Дзяржаўнай праграмай “Адукацыя і маладзёжная палітыка на 2016–2020 гг.”.

Вучэбны матэрыял выкладаўся ў межах прадметаў “Гісторыя Беларусі”, “Эканамічная гісторыя Беларусі”, спецкурсаў “Гродназнаўства”, “Заходняя Беларусь у складзе Польшчы (1921–1939 гг.)”. Лектар закранаў актуальныя аспекты айчыннай гісторыі, мінулага Берасцейшчыны, падзяліўся вынікамі ўласных навуковых даследаванняў. Студэнты-“купалаўцы” праяўлялі інтарэс не толькі да тэматыкі лекцый, але і зацікаўлена пыталіся пра БрДУ імя А. С. Пушкіна, гісторыю і сучаснасць тысячагадовага горада Брэста.

Кафедра гісторыі славянскіх народаў