Аб працы па грамадзянска-патрыятычным выхаванні моладзі

14 лістапада 2018 года на базе нашага ўніверсітэта адбылося сумеснае пасяджэнне прэзідыума Савета ветэранаў Ленінскага раёна і Брэсцкага гарадскога камітэта ГА «БРСМ» аб працы Савета ветэранаў УА «БрДУ імя А.С. Пушкіна» і першаснай арганізацыі ГА «БРСМ» УА «БрДУ імя А.С. Пушкіна» па патрыятычным выхаванні моладзі і яе падрыхтоўцы для ўступлення ў шэрагі ГА «БРСМ».

З уступным словам выступіла старшыня Савета ветэранаў Ленінскага раёна г. Брэста Валянціна Дзмітрыеўна Карпук, з прывітаннем – прарэктар па выхаваўчай працы БрДУ Таццяна Васільеўна Сакалова і першы сакратар ГК ГА «БРСМ» Кацярына Сегянюк.

Аб працы Савета ветэранаў універсітэта па патрыятычным выхаванні моладзі распавяла старшыня Савета ветэранаў Надзея Мікалаеўна Пішчык, аб узаемадзеянні прафсаюзнага камітэта работнікаў з Саветам ветэранаў універсітэта – старшыня прафкама работнікаў БрДУ Ларыса Барысаўна Чэлышава. Дзейнасці першаснай арганізацыі ГА «БРСМ» БрДУ ў накірунку грамадзянска-патрыятычнага выхавання быў прысвечаны даклад выконваючага абавязкі сакратара БРСМ альма-матар Максіма Юр’евіча Азарчука.

На адкрыцці пасяджэння з творчымі нумарамі выступілі студэнты 1-га курса фізіка-матэматычнага факультэта Аляксандра Сацута і Людміла Супінская, а таксама студэнт першага курса гістарычнага факультэта Уладзіслаў Макарэвіч.

Максім Азарчук, в. а. сакратара п/а ГА «БРСМ» універсітэта