Алімпійская ліцэнзія студэнта Брэсцкага дзяржаўнага ўніверсітэта імя А.С. Пушкіна

29-30.04.2021 года ў Брэсце прайшоў Міжнародны турнір па лёгкаатлетычных кіданнях памяці заслужанага трэнера СССР Яўгена Міхайлавіча Шукевіча, адным з арганізатараў якога выступае Брэсцкі дзяржаўны ўніверсітэт імя А.С. Пушкіна. Названы турнір уключаны ў каляндар Еўрапейскай федэрацыі легкай атлетыкі (International Throwing Competition Y. Shukevicha Prizes) і дае магчымасць пры выкананні ўстаноўленых нарматываў заваяваць ліцэнзію на права ўдзелу ў XXXII Алімпійскіх гульнях у Токіа (Японія) у 2021 годзе.

У першы дзень спаборніцтваў Аляксей Каткавец – студэнт III курса факультэта фізічнага выхавання Брэсцкага дзяржаўнага ўніверсітэта імя А.С. Пушкіна – з першай спробы кінуў кап’ё на 85,1 метра, выканаўшы тым самым кваліфікацыйны нарматыў для ўдзелу ў Алімпійскіх гульнях.

Віншуем Аляксея і жадаем яму перамогі на Алімпіядзе!

Кафедра лёгкай атлетыкі, плавання і лыжнага спорту