Брэйн-рынг на Фестывалі замежных студэнтаў

3 сакавіка 2015 года у межах IV фестывалю замежных студэнтаў адбыўся брэйн-рынг на тэму «Наш універсітэт – аднагодак Вялікай Перамогі», арганізаваны кафедрай агульнага і рускага мовазнаўства. Зместам брэйн-рынга сталі пытанні пра даты і месцы драматычных падзей Вялікай Айчыннай вайны; пра тых, хто набліжаў доўгачаканую перамогу; пра тое, з чаго пачыналася гісторыя нашай ВНУ, як развіваўся наш універсітэт, якіх поспехаў ён дасягнуў да свайго 70-годдзя.

У пошуках правільных адказаў спаборнічалі чатыры каманды, прадстаўленыя студэнтамі 1-ых курсаў. Гэта каманда «Кісларод» біялагічнага факультэта, каманда «Stars» факультэта замежных моў, каманда «Нон-стоп» філалагічнага факультэта і зводная каманда геаграфічнага і матэматычнага факультэтаў «Дружба». У музычных паўзах прагучалі песні ваеннай тэматыкі ў выдатным выкананні гасцей фестывалю – навучэнцаў гімназіі № 3 Багдановіча Дзмітрыя і Хайко Марыны. Перамогу на брэйн-рынгу атрымала каманда філалагічнага факультэта, якую годна прадставілі Сарыеў Сердар, Аннаджаева Акмарал, Мурадава Джэміле, Худайназарава Гаўхер, Ёмудава Абадан, Тачмурадава Чынар.