Дэлегацыя ўніверсітэта прыняла ўдзел у Міжнародным Мінскім паўмарафоне

10 верасня ў Мінску прайшоў Міжнародны паўмарафон, які сабраў рэкордную колькасць удзельнікаў – каля 30 тысяч чалавек з 50 краін. У Міжнародным Мінскам паўмарафоне прыняла ўдзел і дэлегацыя нашага ўніверсітэта. У дэлегацыю ўвайшлі выкладчыкі і студэнты – аматары бегу: Абрамава Ірына Васільеўна (дэкан геаграфічнага факультэта), Севярын Сяргей Мікалаевіч (дэкан факультэта замежных моў), Суркоў Сяргей Аляксандравіч (дэкан факультэта фізічнага выхавання) і студэнты факультэта фізічнага выхавання.

Забегі праходзілі па цэнтральных вуліцах горада Мінска. У тыя дні, калі святкаваўся 950-гадовы юбілей нашай сталіцы. У спаборніцтвах маглі прыняць удзел усе ахвотныя. Стартаваць можна было на розных дыстанцыях, якія прапанавалі арганізатары мерапрыемства.

Адзначым, што свята атрымалася не толькі ў горада Мінска, але і ў каралевы спорту – лёгкай атлетыкі. 

Кафедра лёгкай атлетыкі,
плавання і лыжнага спорту.