Другі тур Міжнароднай алімпіяды па матэматыцы для студэнтаў і вучняў 9-11 класаў устаноў агульнай сярэдняй адукацыі

17 лютага 2018 года на фізіка-матэматычным факультэце прайшоў другі тур Міжнароднай алімпіяды па матэматыцы для студэнтаў і вучняў 9-11 класаў устаноў агульнай сярэдняй адукацыі (Брэст (Беларусь) – Беласток (Польшча) – Вільнюс (Літва) – Адэса (Украіна)) (арганізатар – кафедра методыкі выкладання фізіка-матэматычных дысцыплін).

У алімпіядзе прымалі ўдзел студэнты фізіка-матэматычнага факультэта Брэсцкага дзяржаўнага ўніверсітэта імя А.С. Пушкіна і вучні сярэдніх агульнаадукацыйных навучальных устаноў Брэста. Удзельнікам неабходна было на працягу трох гадзін рашыць шэсць алімпіядных задач, складзеных беларускім і польскім бакамі. Вучні і студэнты паказалі высокі ўзровень матэматычнай падрыхтоўкі (кожны з іх атрымае імянны сертыфікат удзельніка).

Пераможцамі другога тура Міжнароднай алімпіяды па матэматыцы для студэнтаў і вучняў 9-11 класаў устаноў агульнай сярэдняй адукацыі (Брэст (Беларусь) – Беласток (Польшча) – Вільнюс (Літва) – Адэса (Украіна)) сталі:

• І месца – Міранчук Максім (гімназія № 1 г. Брэста),
• II месца – Дудчык Ганна (ліцэй № 1 г. Брэста) і Бялоцкі Дзмітрый (гімназія № 1 г. Брэста),
• III месца – Васілеўская Анастасія (гімназія № 1 г. Брэста).

Трэці (заключны) тур алімпіяды пройдзе 17 сакавіка 2018 года ва ўніверсітэце ў Беластоку (Рэспубліка Польшча).

Ад усёй душы віншуем пераможцаў!

Капіца Л.І.,
старшы выкладчык кафедры методыкі выкладання фізіка-матэматычных дысцыплін