Фінальныя спаборніцтвы Рэспубліканскай універсіяды па лёгкай атлетыцы ў памяшканні – 2019

З 24 да 26 студзеня 2019 года на базе лёгкаатлетычнага манежа спецыялізаванай вучэбна-спартыўнай установы «Магілёўскі абласны цэнтр алімпійскага рэзерву па лёгкай атлетыцы і гульнявых відах спорту» прайшлі спаборніцтвы Рэспубліканскай універсіяды – 2019 па лёгкай атлетыцы ў памяшканні.

На ўрачыстай цырымоніі адкрыцця прысутнічалі і прымалі ў ёй удзел начальнік аддзела метадычнай, фізкультурна-аздараўленчай, спартыўнай і спартыўна-масавай работы ва ўстановах вышэйшай адукацыі ўстановы «Рэспубліканскі цэнтр фізічнага выхавання і спорту навучэнцаў і студэнтаў» Санюкевіч Рэма Іванаўна, старшы трэнер нацыянальнай каманды па лёгкай атлетыцы Дзмітрый Вячаслававіч Сівоў і галоўны суддзя спаборніцтваў Уладзімір Уладзіміравіч Грыбанаў.

На першых спаборніцтвах Рэспубліканскай універсіяды 2019 года за прызавыя месцы змагаліся 343 студэнты-спартсмены з 26 устаноў вышэйшай адукацыі Рэспублікі Беларусь.

У спаборніцтвах прымалі ўдзел спартсмены наступных узроўняў спартыўнай кваліфікацыі: майстры спорту міжнароднага класа – 10 чал., майстры спорту – 42 чал., кандыдаты ў майстры спорту – 69 чал., з іх 25 чал. – члены нацыянальнай зборнай каманды па лёгкай атлетыцы, І разрад – 87 чал., II разрад – 107 чал., III разрад – 28 чал.

На спаборніцтвах былі ўстаноўлены два рэкорды Рэспубліканскай універсіяды.

Два дні спаборніцтваў былі насычаны спартыўнай праграмай:

• эстафетны бег 4*200 м, юнакі, дзяўчаты;
• спартыўная хадзьба на 5000 м, 3000 м, дзяўчаты;
• спартыўная хадзьба на 10000 м, 5000 м, юнакі;
• бег 60 м, юнакі, дзяўчаты;
• бег 60 м з бар’ерамі, юнакі, дзяўчаты;
• бег на 200 м, юнакі, дзяўчаты;
• бег на 400 м, юнакі, дзяўчаты;
• бег на 800 м, юнакі, дзяўчаты;
• бег на 1500 м, юнакі, дзяўчаты;
• бег на 3000 м, юнакі, дзяўчаты;
• бег на 2000 м з перашкодамі, юнакі, дзяўчаты;
• скачкі ў даўжыню, юнакі, дзяўчаты;
• трайны скачок, юнакі, дзяўчаты;
• скачкі ў вышыню, юнакі, дзяўчаты;
• скачкі з шастом, юнакі, дзяўчаты;
• штурханне ядра, юнакі, дзяўчаты.

У склад каманды нашага ўніверсітэта ўваходзіла 14 студэнтаў-спартсменаў. 12 з іх сталі прызёрамі спаборніцтваў.

• І месца ў спартыўнай хадзьбе на 10000 м заняў Калеснік Уладзімір, магістрант факультэта фізічнага выхавання;
• І месца ў спартыўнай хадзьбе на 5000 м заняў Калеснік Уладзімір, магістрант факультэта фізічнага выхавання;
• II месца ў бегу на 1500 м заняла Радзяюк Карына, магістрант факультэта фізічнага выхавання;
• II месца ў бегу на 200 м заняла Рапека Яна, 2 курс, факультэт фізічнага выхавання;
• II месца ў эстафетным бегу 4*200 м заняла жаночая чацвёрка:
  • Старынская Вікторыя, 4 курс, факультэт фізічнага выхавання;
  • Зіцык Карына, 1 курс, факультэт фізічнага выхавання;
  • Марчук Дар’я, 1 курс, факультэт фізічнага выхавання;
  • Рапека Яна, 2 курс, факультэт фізічнага выхавання.
• II месца ў эстафетным бегу 4*200 м юнацкая чацвёрка:
  • Старынскі Дзмітрый, 1 курс, факультэт фізічнага выхавання;
  • Мельнік Багдан, 1 курс, факультэт фізічнага выхавання;
  • Данілюк Дзмітрый, 3 курс, факультэт фізічнага выхавання;
  • Равінскі Дзмітрый, 1 курс, факультэт фізічнага выхавання.
• III месца ў бегу на 60 м з бар’ерамі заняла Старынская Вікторыя, 4 курс, факультэт фізічнага выхавання;
• III месца ў бегу на 400 м заняў Равінскі Дзмітрый, 1 курс, факультэт фізічнага выхавання;
• III месца ў бегу на 2000 м з перашкодамі заняла Піціна Ірына, 1 курс, факультэт фізічнага выхавання;
• III месца ў штурханні ядра заняў Калядзіч Андрэй, 1 курс, факультэт фізічнага выхавання.

За крок ад п’едэстала, заняўшы IV месца, спыніліся: Рапека Яна (2 курс, факультэт фізічнага выхавання, бег на 60 м), Лукашэвіч Вольга (2 курс, факультэт фізічнага выхавання, спартыўная хадзьба на 5000 м, на 3000 м ), Данілюк Дзмітрый (3 курс, факультэт фізічнага выхавання, бег на 200 м), Піціна Ірына (1 курс, факультэт фізічнага выхавання, бег на 3000 м).

Набраўшы 470 ачкоў у камандным заліку, наша каманда заняла V месца.

Віншуем! Малайцы!!!

Спартыўны клуб