Інтэлектуальная гульня “Хто хоча больш ведаць пра Туркменістан?”

21 мая 2014 года ў межах навукова-даследчага праекта “Распрацоўка тэарэтычных і метадычных аспектаў фарміравання камунікатыўнай кампетэнцыі як сродку сацыякультурнай адаптацыі замежных студэнтаў” была арганізавана інтэлектуальная гульня “Хто хоча больш ведаць пра Туркменістан?” для студэнтаў 1-га курса факультэта замежных моў.

Падчас гэтай гульні беларускім студэнтам было прапанавана адказаць на пяцьдзясят пытанняў пра славутасці, культуру, традыцыі, нацыянальную кухню туркменскага народа. Удзельнікі віктарыны атрымалі ўнікальную магчымасць пачуць гучанне некалькіх туркменскіх музычных інструментаў, прадэгуставаць традыцыйныя стравы Туркменістана, прымерыць нацыянальную вопратку і ўпрыгожанні. Усе хлопцы ўзбагаціліся новымі ведамі і атрымалі станоўчыя эмоцыі.

К.Г.Сальнікава,
намеснік дэкана па навуковай працы