Інтэрактыўны практыкум «Інтэрнэт-сеткі і мая бяспека»

«Інтэрнэт-сеткі і мая бяспека» – пад такой назвай 17 лютага 2015 года прайшоў інтэрактыўны практыкум (у межах школы «Вопыт»), арганізаваны метадыстамі аддзела выхаваўчай працы з моладдзю. У гэтым мерапрыемстве прынялі ўдзел студэнты розных факультэтаў, прадстаўнікі моладзевай інфармацыйнай групы.

Арганізатары практыкума ставілі перад сабой мэту стварыць умовы для выяўлення і развіцця ў навучэнцаў аналітычных якасцей пры працы з матэрыяламі з інтэрнэт-сетак.

Перад прадстаўнікамі моладзевай інфармацыйнай групы выступілі: вядучы спецыяліст па ідэалагічнай працы ўніверсітэта Г.І. Іванчын і дацэнт кафедры анатоміі, фізіялогіі і бяспекі чалавека М.В. Галавач. Яны расказалі студэнтам пра ўплыў на грамадства інтэрнэт-сетак, пра спосабы засцярогі пры працы з камп’ютарнай тэхнікай і сеткавымі ўстройствамі.

Практыкум завяршыўся рэфлексіяй, дзе кожны ўдзельнік змог задаць пытанне і выказаць прапановы і пажаданні арганізатарам.

Аддзел выхаваўчай працы з моладдзю