Каманда БрДУ будзе прадстаўляць Брэсцкую вобласць на рэспубліканскім этапе спаборніцтваў «Студэнты. Бяспека. Будучыня»

12 красавіка 2019 года на базе Пажарнага аварыйна-выратавальнага атрада Брэсцкага абласнога ўпраўлення МНС Рэспублікі Беларусь адбыліся спаборніцтвы «Студэнты. Бяспека. Будучыня» паміж ўстановамі вышэйшай адукацыі Брэсцкага рэгіёна.

У склад каманды нашага ўніверсітэта ўвайшлі студэнты геаграфічнага факультэта: Аляксандра Булахава, Яўген Карасцялёў, Кацярына Сыч, Ганна Кандрацюк і студэнты факультэта фізічнага выхавання: Дар’я Струкава, Максім Малашкевіч, Данііл Аніськевіч, Яўген Праскура, Кірыл Міхальчук і Аляксандр Галушка.

Адкрыў спаборніцтвы творчы конкурс «Шлягер бяспекі», дзе кожная каманда прадэманстравала свае крэатыўнасць і арыгінальнасць. Заваяваўшы III месца, мы не расстроіліся – наадварот, у нас з’явіўся стымул быць больш актыўнымі і смелымі, каб стаць пераможцамі ў выніковым заліку.

На этапе «Студэнцкі праект» Аляксандра Булахава расказала аб праведзенай працы з насельніцтвам і прынесла камандзе ганаровае I месца.

Пасля творчай часткі ўдзельнікі каманды спаборнічалі ў інтэлектуальным конкурсе «Знаўцы АБЖ». Адказаўшы на 50 пытанняў, мы ўпэўнена перайшлі да новых выпрабаванняў.

Спартыўны блок уключаў некалькі этапаў:

• «Выратавальная эстафета» – I месца;
• «НС у падземным пераходзе» – I месца;
• «ДТЗ» – I месца;
• «Калодзеж» – III месца;
• «Аказанне першай дапамогі» – I месца;
• «Здарэнне ў кватэры» – І месца.

Пасля падліку балаў каманда нашага ўніверсітэта стала пераможцам. З 29 красавіка па 4 мая мы будзем прадстаўляць вобласць на рэспубліканскім этапе конкурсу.

Выказваем падзяку арганізатарам і нашаму ўніверсітэту
за магчымасць праявіць свае веды на такім высокім узроўні!

Аляксандра Булахава (геаграфічны факультэт)