Круглы стол «Сучасныя тэндэнцыі ў азеляненні тэрыторый устаноў адукацыі»

3 сакавіка 2016 года на базе Цэнтра экалогіі быў праведзены круглы стол «Сучасныя тэндэнцыі ў азеляненні тэрыторый устаноў адукацыі» для настаўнікаў біялогіі і намеснікаў загадчыкаў дзіцячых садкоў Ленінскага раёна г. Брэста.

Асноўныя прынцыпы бесперапыннасці цвіцення, якія выкарыстоўваюцца ў азеляненні прышкольных тэрыторый, асвятліла ў сваім выступленні в.а. начальніка Цэнтра экалогіі І.М. Якавук.

Загадчык аддзела экалагічнай працы ДУА «Брэсцкі абласны цэнтр турызму і краязнаўства дзяцей і моладзі» Уварава Г.І. пазнаёміла прысутных з этапамі правядзення абласных і рэспубліканскіх конкурсаў па добраўпарадкаванні і азеляненні тэрыторый устаноў адукацыі на 2016 год.

Як можна выкарыстоўваць драўнінна-хмызняковыя пароды ў азеляненні тэрыторый, падзялілася вопытам працы намеснік начальніка аддзела «Батанічныя экспазіцыі» Шымалава Н.У.

Вядучы лабарант аддзела «Батанічныя экспазіцыі» Осіпава А.А. паказала слухачам прэзентацыю «Дывановая клумба як элемент ландшафтнага дызайну».

У ходзе абмеркавання вынікаў круглага стала былі пазначаны далейшыя шляхі супрацоўніцтва Цэнтра экалогіі з ўстановамі адукацыі Ленінскага раёна г. Брэста ў справе добраўпарадкавання і азелянення тэрыторый.

Завяршылася праца круглага стала фотарэпартажам пра лепшыя прышкольныя ўчасткі ўстаноў адукацыі Ленінскага раёна г. Брэста, з якім пазнаёміла педагогаў метадыст аддзела адукацыі, спорту і турызму адміністрацыі Ленінскага раёна Асіік В.М.