Майстар-клас па выкарыстанні тэхналогіі «Форум-тэатр» з правядзеннем інфармацыйнай сесіі па пытаннях туберкулёзу

З 26 па 28 мая 2017 года студэнты нашага ўніверсітэта прымалі ўдзел у майстар-класе па выкарыстанні тэхналогіі «Форум-тэатр» з правядзеннем інфармацыйнай сесіі па пытаннях туберкулёзу. Майстар-клас рэалізуецца ў рамках праекта «Амбулаторнае лячэнне туберкулёзу – час для нас, грошы для краіны, здароўе для ўсіх!» Арганізатарам мерапрыемства выступіла Рэспубліканскае грамадскае аб’яднанне «Пераможам туберкулёз разам». Мэта майстар-класа – развіццё кампетэнцый у валанцёраў з грамадзянскай супольнасці для рэалізацыі мерапрыемстваў па тэхналогіі «Форум-тэатр», накіраваных на зніжэнне стыгмы ў адносінах да людзей, якіх закранула праблема туберкулёзу.

Майстар-клас адбыўся ў «Сядзібе Ос» (п. Ратамка, Мінскі раён). Да ўдзелу ў мерапрыемстве былі запрошаны 7 валанцёраў з Магілёва, 7 валанцёраў з Брэста, старшыня праўлення РГА «Пераможам туберкулёз разам» Наталля Крыштафовіч, а таксама прадстаўнік супольнасці людзей, закранутых туберкулёзам. Валанцёрамі з Брэста сталі студэнты нашага ўніверсітэта: Людміла Дзічкоўская і Аксана Мінюк (псіхолага-педагагічны факультэт, 3 курс), Галіна Цецерава і Анастасія Яхнавец (фізіка-матэматычны факультэт, 1 курс), Марыя Кавалёва (факультэт замежных моў, 2 курс), Наталля Крыловіч (юрыдычны факультэт, 2 курс), а таксама педагог-арганізатар студэнцкага гарадка Галіна Карабчук.

У якасці вядучых інфармацыйнай сесіі па пытаннях туберкулёзу былі запрошаны трэнеры-кансультанты МАГА «АКТ» Людміла Блізнюк і Алена Радзівонава. А вучыў нашых валанцёраў выкарыстанню тэхналогіі «Форум-тэатр» трэнер-эксперт па тэатральных тэхналогіях Павел Вінаградаў.

У завяршэнне майстар-класа па выкарыстанні тэхналогіі «Форум-тэатр» з правядзеннем інфармацыйнай сесіі па пытаннях туберкулёзу былі атрыманы наступныя вынікі:

• удзельнікі атрымалі інфармацыю па пытаннях сучасных падыходаў да прафілактыкі туберкулёзу;
• удзельнікі атрымалі інфармацыю аб тэхналогіях вымярэння і правядзення запланаваных зменаў у гледачоў;
• удзельнікі развілі кампетэнцыі, неабходныя для арганізацыі мерапрыемстваў па тэхналогіі «Форум-тэатр»;
• арганізатары абмяняліся вопытам з удзельнікамі аб магчымасцях мерапрыемстваў па тэхналогіі «Форум-тэатр» для пашырэння рэсурсаў у сферы прафілактычнай працы і вырашэння сацыяльных праблем;
• удзельнікамі былі распрацаваны 2 папярэднія сцэнарыі мерапрыемства па тэхналогіі «Форум-тэатр», накіраваныя на зніжэнне стыгмы ў адносінах да людзей, закранутых праблемай туберкулёзу.

На дадзены момант валанцёры нашага ўніверсітэта, якія прынялі ўдзел у майстар-класе, займаюцца падрыхтоўкай тэматычнага спектакля па гэтай тэхналогіі.

Карабчук Г.С., педагог-арганізатар