Міжфакультэцкі конкурс эканамічных ведаў «Чалавек у свеце эканомікі»

7 снежня 2016 года сярод студэнтаў, якія пражываюць ва ўніверсітэцкім інтэрнаце № 1, прайшоў міжфакультэцкі конкурс эканамічных ведаў «Чалавек у свеце эканомікі». Арганізатарам мерапрыемства выступіла кафедра тэарэтычнай і прыкладной эканомікі. Конкурс быў арганізаваны ў форме гульні «Шчаслівы выпадак», у якой былі зададзены пытанні з катэгорый «Грошы», «Даходы ў рынкавай эканоміцы», «Славутыя прадпрымальнікі», «Вучоныя-эканамісты», «Казкі», «Прыказкі», «Эканамічныя сістэмы», «Эканомікс» і інш.

У конкурсе прынялі ўдзел студэнты геаграфічнага, біялагічнага, фізіка-матэматычнага факультэтаў і факультэта замежных моў. За членаў каманд прыйшлі пабалець іх аднакурснікі. Усяго ў мерапрыемстве ўдзельнічала каля 80 чалавек.

Галоўная мэта конкурсу – спрыяць фарміраванню эканамічнай культуры студэнтаў і стымуляваць іх творчую актыўнасць. Такое мерапрыемства папулярызуе эканамічныя веды ў студэнцкім асяроддзі і дапамагае фарміраваць актыўную грамадзянскую пазіцыю ў студэнцкай моладзі.

Журы вызначыла прызёраў наступным чынам:

• І месца заняла каманда «БАТАНІКІ» (біялагічны факультэт, 3 курс),
• II месца – каманда «Група "ЛЕНІНГРАД"» (геаграфічны факультэт, 4 курс),
• III месца – каманда «ФІЗМАТ» (фізіка-матэматычны факультэт, 2 курс).

Пераможцы конкурсу былі ўзнагароджаны дыпломамі, падрыхтаванымі прафсаюзным камітэтам студэнтаў універсітэта.

Віншуем пераможцаў!

Аргкамітэт