Міжнародная навукова-практычная канферэнцыя “Сацыяльна-педагагічная і медыка-псіхалагічная падтрымка развіцця асобы ў антагенезе”

28 красавіка ў БрДУ імя А.С. Пушкіна на сацыяльна-педагагічным факультэце прайшла Міжнародная навукова-практычная канферэнцыя “Сацыяльна-педагагічная і медыка-псіхалагічная падтрымка развіцця асобы ў антагенезе”.

Удзельнікі канферэнцыі абмеркавалі праблемы сацыяльна-педагагічнай падтрымкі развіцця асобы на розных этапах антагенезу, пытанні пазнавальнага, моўнага і фізічнага развіцця дзяцей, фарміравання іх здаровага ладу жыцця, праблемы сацыяльна-псіхалагічнага і педагагічнага суправаджэння сям’і як інстытута сацыялізацыі і асяродку развіцця дзіцяці, пытанні адаптацыі і інтэграцыі асоб з асаблівасцямі псіхафізічнага развіцця ў грамадстве і інш.

На пленарным пасяджэнні выступілі вучоныя з Дзяржаўнага гуманітарна-тэхналагічнага ўніверсітэта (г. Арэхава-Зуева), Тульскага дзяржаўнага педагагічнага ўніверсітэта імя Л.М. Талстога, Беларускага дзяржаўнага педагагічнага ўніверсітэта імя Максіма Танка, Брэсцкага дзяржаўнага ўніверсітэта імя А.С. Пушкіна.