Міжнародны палявы сімпозіум па праблемах геалогіі і палеагеаграфіі чацвярцічнага перыяду

З 29 верасня па 3 кастрычніка 2014 года на геаграфічным факультэце Установы адукацыі «Брэсцкі дзяржаўны ўніверсітэт імя А.С. Пушкіна» адбыўся Міжнародны палявы сімпозіум па праблемах геалогіі і палеагеаграфіі чацвярцічнага перыяду. У працы сімпозіума прымалі ўдзел навукоўцы з Беларусі, Украіны, Расіі і Польшчы.

У першы дзень працы сімпозіума былі прадстаўлены і абмеркаваны даклады навукоўцаў Дзяржаўнага геалагічнага інстытута, Варшаўскага ўніверсітэта і Дзяржаўнай вышэйшай школы імя Яна Паўла II у г.Бяла-Падляска (Польшча); Інстытута геалагічных навук Нацыянальнай акадэміі навук Украіны (Украіна); Інстытута прыродакарыстання НАН Беларусі, НПЦ па геалогіі, БДУ (г. Мінск); БелНДПІнафта ПА «Беларуснафта», Гомельскага дзяржаўнага ўніверсітэта імя Ф. Скарыны (г.Гомель); Віцебскага дзяржаўнага ўніверсітэта імя П.М.Машэрава (г.Віцебск); Брэсцкага дзяржаўнага ўніверсітэта імя А.С. Пушкіна (г. Брэст).

У палявой частцы сімпозіума навукоўцы праводзілі палявыя даследаванні на тэрыторыі Бярозаўскага, Камянецкага і Брэсцкага раёнаў, дзе адбіралі пробы для паліналагічных, мінералагічных, петраграфічных, геахімічных аналізаў, а таксама вывучалі асаблівасці залягання і суадносіны гліністых, пясчаных, гравійных і тарфяных рознасцей чацвярцічных адкладаў.

Падчас палявых прац  быў сабраны матэрыял, які надалей складзе аснову для абгрунтавання тэарэтычных высноў пра асаблівасці палеагеаграфічнага развіцця тэрыторыі беларуска-польскага памежжа.

Падрабязней чытайце на старонцы геаграфічнага факультэта >>

М.Ф.Грачанік, А.І.Градунова, М.А.Багдасараў