На філалагічным факультэце адбыўся семінар-візуалізацыя па праблемах экалогіі для замежных студэнтаў

10 красавіка 2019 года на філалагічным факультэце адбыўся міжфакультэцкі семінар-візуалізацыя «Чалавек і жывёла: сцэнарыі ўзаемаадносін у традыцыі беларусаў» для замежных студэнтаў філалагічнага і іншых факультэтаў ўстановы адукацыі «Брэсцкі дзяржаўны ўніверсітэт імя А.С. Пушкіна». У семінары, арганізаваным кіраўніком студэнцкай навукова-даследчай лабараторыі «Фалькларыстыка і краязнаўства» прафесаам І.А. Швед і дацэнтам кафедры педагогікі М.С. Кавалевіч, таксама прынялі ўдзел беларускія студэнты 2-га і 3-га курсаў філалагічнага факультэта.

Мэта і задача правядзення міжфакультэцкага семінара: развіццё экалагічнай свядомасці спецыялістаў-гуманітарыяў як найважнейшага складніка іх прафесійнай самасвядомасці і прафесійнай кампетэнтнасці, выхаванне павагі да прыроды і абранай прафесіі; выхаванне экалагічна адказнай асобы, фарміраванне пэўных «экалагічна дружалюбных» тыпаў паводзін будучых спецыялістаў, адпаведных прынцыпам і мэтам развіцця грамадства ў сістэме «прырода-грамадства-чалавек».

У ходзе мерапрыемства былі абмеркаваны найважнейшыя экалагічныя праблемы, разгледжаны асаблівасці экалагічнай свядомасці носьбітаў беларускай традыцыі і трактоўкі свету жывёл міфапаэтычнай свядомасцю беларусаў і іншых народаў. Асаблівую цікавасць у прысутных выклікалі дыскусійныя пытанні:

• Як сумясціць незаменную карысць і разнастайныя небяспекі, якія дзікая прырода тоіць для чалавека?
• На першы погляд, чым далей углыб гісторыі чалавецтва, аж да каменнага стагоддзя, тым у большай гармоніі з прыродай жылі людзі, чым у нашы дні. Ці так гэта?

Падчас дыскусіі студэнты выказалі свае меркаванні аб розных аспектах праблемы экалагічнай свядомасці і экалагічных паводзін, неабходнасці жыць па законах гармоніі з прыродай. Замежныя студэнты расказалі пра асаблівасці ўспрымання птушак і жывёл у іх этнакультурах і прыйшлі да высновы аб пэўнай агульнасці ў трактоўцы і сімвалізацыі свету жывёл у розных культурах. На семінары былі закрануты пытанні арганізацыі камфортнага жыцця ў сучасным мегаполісе і на ўлонні дзікай прыроды, былі зроблены высновы аб спосабах фарміравання экалагічнай свядомасці дзяцей і моладзі ў сучаснай культуры.

Студэнцкая навукова-даследчая лабараторыя «Фалькларыстыка і краязнаўства»