На філалагічным факультэце прайшла рэгіянальная навукова-практычная канферэнцыя

5 снежня на філалагічным факультэце прайшла рэгіянальная навукова-практычная студэнцкая канферэнцыя “Моўная адзінка ў кантэксце часу”, арганізаваная кафедрай беларускага і рускага мовазнаўства. На мерапрыемства было заяўлена 95 дакладаў. Акрамя студэнтаў нашага ўніверсітэта, удзел у ім прынялі прадстаўнікі Брэсцкага дзяржаўнага тэхнічнага ўніверсітэта, Баранавіцкага дзяржаўнага ўніверсітэта, Пінскага дзяржаўнага медыцынскага каледжа, навучэнцы сярэдніх навучальных устаноў Брэсцкай вобласці.

Навуковыя накірункі канферэнцыі – аспекты сучасных мовазнаўчых даследаванняў, мастацтва слова і культура маўлення, мова навукі і тэхнікі, моўная адзінка ў структуры і семантыцы тэксту, роднае слова ў дыялогу моў і культур, уласнае імя ў намінатыўным і лінгвакультуралагічным аспектах і іншыя.

Канферэнцыя дала магчымасць абмеркаваць актуальныя пытанні філалогіі, а таксама падзяліцца вопытам навуковых даследаванняў.

Кафедра беларускага і рускага мовазнаўства