«Нарматыўнае прававое рэгуляванне ідэалагічнай і выхаваўчай працы ва ўніверсітэце» – семінар

З мэтай далейшага ўдасканалення ідэалагічнай і выхаваўчай працы ва ўніверсітэце 12 верасня 2017 года адбыўся семінар «Нарматыўнае прававое рэгуляванне ідэалагічнай і выхаваўчай працы ва ўніверсітэце», арганізатарам якога выступіў аддзел выхаваўчай работы з моладдзю.

У працы семінара прынялі ўдзел намеснікі дэканаў па выхаваўчай працы, куратары вучэбных груп, педагагічныя работнікі інтэрнатаў студэнцкага гарадка, спецыялісты АВР, студэнцкага і спартыўнага клубаў.

Адкрываючы семінар, Таццяна Васільеўна Сакалова, прарэктар па выхаваўчай працы, акрэсліла актуальныя пытанні ідэалагічнай і выхаваўчай работы ва ўніверсітэце ў 2017/2018 навучальным годзе. Таццяна Мікалаеўна Кошык, начальнік аддзела выхаваўчай працы з моладдзю, падкрэсліла неабходнасць арганізацыі ІВР ў рамках нарматыўнай прававой базы, рэгламентаванай рэспубліканскімі і лакальнымі дакументамі; адзначыла важнасць пастаяннай сумеснай работы педагогаў усіх структурных падраздзяленняў са студэнцкай моладдзю.

З дзеючымі ў бягучым навучальным годзе нарматыўным прававым забеспячэннем і праграмна-планаванай дакументацыяй выхавання удзельнікаў семінара пазнаёміла Краўчук Людміла Андрэеўна, метадыст АВР. Актуальныя аспекты працы са студэнтамі, якія маюць патрэбу ў сацыяльнай абароне, акрэсліла Крывіцкая Ніна Адамаўна, педагог сацыяльны АВР.

У ходзе семінара падымаліся пытанні па планава-справаздачнай дакументацыі, аналізе ідэалагічнай і выхаваўчай працы факультэтаў і кафедраў, адказнасці ўсіх суб’ектаў адукацыйнага працэсу ў пытаннях выхавання студэнцкай моладзі.

Аддзел выхаваўчай работы з моладдзю