Навучэнцы ўніверсітэта сталі ўдзельнікамі прафсаюзнага форуму студэнцтва «Студэнцкая восень»

15 лістапада 2018 года ў г. Брэсце прайшлі мерапрыемствы прафсаюзнага форуму студэнцтва «Студэнцкая восень».

На ўрачыстым адкрыцці мерапрыемстваў у Мемарыяльным комплексе «Брэсцкая крэпасць-герой» БрДУ імя А.С. Пушкіна прадставіла прарэктар па выхаваўчай працы Т.В. Сакалова і старшыня прафкама студэнтаў Р.В. Чуль.

У абласным ДК прафсаюзаў працавала аб’яднаная прафарыентацыйная выстава ўніверсітэта і прафкама студэнтаў (А.В. Ковач; Ірына Кавалевіч, сацыяльна-педагагічны факультэт, 3 курс), творчыя нумары паказалі студэнты фізіка-матэматычнага факультэта пад кіраўніцтвам студэнткі 2 курса Дзіяны Буцкевіч.

На семінары-нарадзе ў БрДТУ з дакладам «Сацыяльнае партнёрства: прафкам – універсітэт (калектыўна-дагаворныя адносіны, праца прафкама ў складзе камісій універсітэта)» выступіў Р.В. Чуль.

Творчы вакальны нумар на гала-канцэрце форуму прадставіла студэнтка 3 курса факультэта замежных моў Ксенія Пухнарэвіч.

Выдатна зарэкамендавалі сябе валанцёры-пушкінцы Карына Зушчык і Яна Дземянчук (сацыяльна-педагагічны факультэт), Яна Бязух і Ганна Сямашка (факультэт замежных моў).

Старшыня Брэсцкага абласнога аб’яднання прафсаюзаў А.А. Мурашкін ўручыў дыплом за актыўны ўдзел у мерапрыемствах форуму «Студэнцкая восень» БрДУ імя А.С. Пушкіна і Падзяку ФПБ педагогу-арганізатару студэнцкага клуба ўніверсітэта І.І. Неўдах.

Студэнткі 2 курса геаграфічнага факультэта Кацярына Сыч і Марыя Абрамчук атрымалі з рук старшыні Брэсцкага абкама прафсаюза І.І. Васіленкі пісьмовыя Падзякі за актыўны ўдзел у дзейнасці галіновага прафсаюза, значны асабісты ўклад у рэалізацыю статутных задач, удасканаленне форм і метадаў прафсаюзнай працы.

А 14 лістапада ў Мінску адбылося ўрачыстае ўшанаванне лаўрэатаў стыпендыі Федэрацыі прафсаюзаў Беларусі. Старшыня ФПБ М.С. Орда уручыў пасведчанне і нагрудны знак лаўрэата стыпендыі ФПБ магістранту 2 года навучання біялагічнага факультэта, старшыні прафсаюзнага бюро магістрантаў, аспірантаў і слухачоў падрыхтоўчага курса Васілю Сілюку.

Прафсаюзны камітэт студэнтаў універсітэта выказвае шчырыя словы ўдзячнасці кіраўніцтву ўніверсітэта і гандлёваму цэнтру за садзейнічанне ў арганізацыі і правядзенні мерапрыемстваў форуму.

Прафкам студэнтаў