Навукова-метадычны семінар «Здаровы лад і стыль жыцця школьнікаў»

Традыцыя супрацоўніцтва кафедры тэорыі і методыкі фізічнага выхавання факультэта фізічнага выхавання і ДУА «Гімназія № 4 г. Брэста» налічвае ўжо больш за 20 гадоў. 7 кастрычніка 2016 г. на базе гімназіі быў у чарговы раз праведзены навукова-метадычны семінар «Здаровы лад і стыль жыцця школьнікаў».

У семінары прынялі ўдзел выкладчыкі кафедры, прадстаўнікі адміністрацыі гімназіі, настаўнікі фізічнай культуры і здароўя, навучэнцы – фізкультурныя арганізатары сярэдніх і старэйшых класаў, а таксама студэнты 4 курса факультэта фізічнага выхавання. Слухачам семінара былі прапанаваны даклады, заснаваныя на выніках даследаванняў, праведзеных у ДУА «Гімназія № 4 г. Брэста».