Пасяджэнне дыскусійнага клуба «Дэбаты»

У межах Фестывалю замежных студэнтаў 25 лютага 2015 года на філалагічным факультэце адбылося пасяджэнне інтэлектуальнага клуба «Дэбаты». Каманды, у складзе якіх студэнты-замежнікі 1 курса, спаборнічалі ў майстэрстве вядзення лагічнай і аргументаванай дыскусіі, у майстэрстве пераканаўчага і красамоўнага выступлення.

«Шматдзетная сям’я: за ці супраць» – так быў сфармуляваны тэзіс пасяджэння. Трэба адзначыць, што вынікі галасавання сталі досыць нечаканымі. Гледачы аддалі пальму першынства камандзе, якая адстойвала пункт гледжання, па сутнасці, процілеглы агульным уяўленням усходняй культуры пра сям’ю, дзе вітаецца шматдзетнасць. Старшыня пасяджэння і арганізатар мерапрыемства – старшы выкладчык кафедры тэорыі і гісторыі рускай літаратуры Л.М. Садко адзначыла: «Прыемна, што ўсе спікеры, у трэніроўцы якіх прымалі ўдзел студэнткі-старшакурсніцы Дзілдора Маціева і Інцізар Атаніязава, прадэманстравалі дастаткова высокі ўзровень маўленчай культуры. Несумненна, такія пасяджэнні неабходныя для фарміравання навыкаў публічнага выступлення, умення жыва і арганічна будаваць сваю прамову, выкарыстоўваючы элементы акцёрскага майстэрства. Акрамя таго, заяўлены тэзіс пасяджэння быў аргументаваны максімальна рознабакова, атрымаў пераканаўчую матывіроўку як «за», так і «супраць», што дазваляе ўбачыць праблему «правільнай» мадэлі сям’і пад рознымі вугламі».