Правільныя паводзіны – стыль жыцця!

28 красавіка 2015 года ў рамках рэалізацыі Праграмы сумеснай дзейнасці «Універсітэт – ІСН» па прафілактыцы дэвіянтных паводзін дзяцей і моладзі пад кіраўніцтвам заг. кафедры педагогікі пачатковага навучання, дацэнта Т.В. Нічышынай, старшага выкладчыка Г.М. Ткачук, старшага інспектара па асобых даручэннях групы прафілактыкі правапарушэнняў непаўналетніх УУС Брэсцкага аблвыканкама І.М. Філіповіча праведзены конкурс малюнкаў на асфальце сярод падлеткаў і моладзі «Правільныя паводзіны – стыль жыцця!»

Удзельнікамі конкурсу сталі вучні 9 – 10 класаў ДУА «Сярэдняя школа № 3 г. Брэста» і студэнты псіхолага-педагагічнага факультэта. Месцам для правядзення конкурсу абрана пляцоўка перад першым корпусам УА «БрДУ імя А.С. Пушкіна », дзе навучэнцам была дадзена магчымасць выказаць сваё стаўленне да здаровага ладу жыцця, адказных і бяспечных паводзін у соцыуме, а таксама прадэманстраваць непрыманне шкодных звычак і іншых фактараў рызыкі здароўя.