Пушкінскія сустрэчы на філфаку–2018

6 сакавіка на філалагічным факультэце адкрыўся новы сезон «Пушкінскіх сустрэч на філфаку», у рамках якога падводзяцца вынікі розных конкурсаў і праектаў, арганізаваных для вучнёўскай і студэнцкай моладзі кафедрай рускай літаратуры і журналістыкі.

Традыцыйна ў гэтым мерапрыемстве ўдзельнічаюць прадстаўнікі сярэдніх навучальных устаноў г. Брэста, якія маюць магчымасць пазнаёміцца з філалагічным факультэтам, сустрэцца са студэнцтвам і выкладчыкамі.

У сакавіцкіх «сустрэчах» прынялі ўдзел вучні СШ № 30 імя Д.Б. Гвішыяні. Для іх была арганізавана экскурсія па факультэце, а таксама адбылося знаёмства з выкладчыкамі і студэнтамі.

Дацэнт кафедры Людміла Садко і студэнтка філалагічнага факультэта Марыя Бугаёва правялі адкрытае пасяджэнне дыскусійнага клуба «Дэбаты» на тэму «Дзеці – гэта людзі». Тэма дэбатаў па-сапраўднаму захапіла ўдзельнікаў, пра што сведчыла гарачая дыскусія.

«Пушкінскія сустрэчы на філфаку» – новы фармат прафарыентацыйнай работы кафедры, які дазваляе школьнікам акунуцца ў атмасферу жыцця сучаснага факультэта.

Кафедра рускай літаратуры і журналістыкі