Саюзная дзяржава Беларусі і Расіі: гісторыя і сучаснасць

Менавіта так называецца кніжная выстава, прысвечаная Дню яднання народаў Расіі і Беларусі, якая экспануецца ў бібліятэцы ўніверсітэта з 2 красавіка. На выставе сабраны матэрыялы пра станаўленне і развіццё Саюзнай дзяржавы, духоўнае і гістарычнае адзінства двух народаў. Падчас яе адкрыцця работнікі бібліятэкі коратка расказалі пра важныя для нашай краіны падзеі.

2 красавіка 1996 г. Прэзідэнты дзвюх краін Аляксандр Лукашэнка і Барыс Ельцын у Маскве падпісалі Дагавор аб Супольнасці Беларусі і Расіі. Ужо праз год, 2 красавіка 1997 г., быў падпісаны Дагавор аб Саюзе Беларусі і Расіі, які даў новы імпульс працэсу інтэграцыі дзвюх дзяржаў. Яшчэ праз два гады, 8 снежня 1999 года, у Маскве адбылося падпісанне Дамовы аб стварэнні Саюзнай дзяржавы і прыняцце Праграмы дзеянняў Рэспублікі Беларусь і Расійскай Федэрацыі па рэалізацыі палажэнняў Дагавора аб стварэнні Саюзнай дзяржавы.

Сёння свята яднання двух брацкіх народаў увасабляе сумесную гісторыю, сучаснасць і будучыню нашых дзяржаў, якія здаўна звязваюць слаўныя культура і традыцыі.

Бібліятэка