Серыя заняткаў у Школе «Вопыт» для студэнцкіх саветаў інтэрнатаў

У перыяд з 16 па 25 лютага 2016 года метадыстамі аддзела выхаваўчай працы з моладдзю была арганізавана серыя заняткаў для студэнцкага актыву інтэрнатаў студгарадка. У гэтых мерапрыемствах прыняло ўдзел больш за 40 студэнтаў-актывістаў нашага ўніверсітэта.

Практыкум «Інфармацыйная праца ў інтэрнаце» для інфармацыйна-ідэалагічнага сектара і дзелавая гульня «Культура побыту як фактар фарміравання асобы» для жыллёва-бытавога сектара правялі метадысты АВП Людміла Андрэеўна Краўчук і Наталля Уладзіміраўна Сухарук. Спецыялісты студэнцкага клуба, педагог-арганізатар Іна Іванаўна Неўдах і мастацкі кіраўнік Святлана Вітальеўна Трухнова, арганізавалі для культурна-масавага сектара гульнявы практыкум «Адпачываем весела і дружна». Для фізкультурна-аздараўленчага сектара практыкум «Фізкультурна-аздараўленчая праца ў інтэрнаце» правёў дырэктар спартыўнага клуба Уладзімір Уладзіміравіч Гусеў.

Мэта названых заняткаў – стварэнне ўмоў для паспяховага функцыянавання студэнцкага самакіравання ў інтэрнатах студэнцкага гарадка.

У інтэрактыўнай форме са студэнтамі-лідарамі абмяркоўваліся праблемы арганізацыі побыту і вольнага часу ў інтэрнаце, выявіўся сумесны пошук шляхоў іх вырашэння, праведзены гульні па развіцці навыкаў зносін і стварэнні псіхалагічнага камфорту.

Падчас рэфлексіі студэнты пазітыўна ацанілі практыкаарыентаваную накіраванасць заняткаў, на якіх адбыўся абмен вопытам працы студэнцкіх саветаў інтэрнатаў.

Аддзел выхаваўчай працы з моладдзю