Студэнцкая навука – фізічнай культуры і спорту

На факультэце фізічнага выхавання 16-17 красавіка адбылася XV Рэспубліканская студэнцкая навукова-практычная канферэнцыя «Праблемы фізічнай культуры і спорту, здароўя дзяцей і моладзі».

Выступаючы з дакладам на пленарным пасяджэнні, дэкан факультэта фізічнага выхавання, кандыдат біялагічных навук, дацэнт Галавач М.В. спыніўся на некаторых праблемах вышэйшай адукацыі ў галіне фізічнай культуры і спорту, здароўя дзяцей і моладзі.

У працы канферэнцыі прынялі ўдзел 213 чалавек (з іх 15 – студэнты 1 і 2 курсаў). Колькасць заслуханых дакладаў – 238 (пленарных – 6, секцыйных – 193, стэндавых – 39). У працы канферэнцыі прынялі ўдзел прадстаўнікі Брэсцкага дзяржаўнага ўніверсітэта імя А.С. Пушкіна, Брэсцкага дзяржаўнага тэхнічнага ўніверсітэта, Гомельскага дзяржаўнага медыцынскага ўніверсітэта, Гродзенскага дзяржаўнага медыцынскага ўніверсітэта. Лепшыя пленарныя даклады – у Чапялевіча Вадзіма і Шаўчук Яны (студэнты 4 курса факультэта фізічнага выхавання БрДУ імя А.С. Пушкіна). Лепшыя секцыйныя даклады з іншых ВНУ – у Лісок Алены (магістранта Гродзенскага дзяржаўнага медыцынскага ўніверсітэта, у Фомчанкі Алёны (студэнткі Гомельскага дзяржаўнага медыцынскага ўніверсітэта) і Лушыца Уладзіміра (студэнт БрДТУ).

Студэнты разгледзелі актуальныя пытанні навучання і выхавання, методыкі выкладання вучэбных дысцыплін у пачатковай школе, а таксама абмяняліся ўласнымі думкамі і ўражаннямі аб канферэнцыі.

У рамках канферэнцыі адбылася выстава навукова-тэхнічнай творчасці студэнтаў «Навука, творчасць, фізічная культура, спорт», падрыхтаваная выкладчыкамі, якія працуюць на факультэце фізічнага выхавання. Таксама была прадстаўлена выстава новай літаратуры ў галіне фізічнага выхавання і спорту, арганізаваная бібліятэкай нашай ВНУ і лабарантам міжкафедральнага навучальнага кабінета.

Галавач М.В.