Сучасны ўрок мовы і літаратурнага чытання ў пачатковай школе: эфектыўная арганізацыя адукацыйнага працэсу

12 лістапада 2015 года на псіхолага-педагагічным факультэце прайшоў рэгіянальны навукова-метадычны семінар «Сучасны ўрок мовы і літаратурнага чытання ў пачатковай школе: эфектыўная арганізацыя адукацыйнага працэсу», арганізаваны кафедрай беларускай і рускай моў з методыкай выкладання. У працы семінары прынялі ўдзел выкладчыкі вышэйшых навучальных устаноў, каледжаў, настаўнікі пачатковых класаў, студэнты.

Вітаючы ўдзельнікаў семінара, дэкан псіхолага-педагагічнага факультэта, кандыдат філалагічных навук, дацэнт С.С. Кацэвіч, і загадчык кафедры беларускай і рускай моў з методыкай выкладання, кандыдат філалагічных навук, дацэнт Г.М. Канцавая, адзначылі, што як для вучняў, так і для настаўніка ўрок цікавы тады, калі ён сучасны, актуальны, дзейнасны, важны, істотны для сённяшняга часу, і менавіта ўрок як самая распаўсюджаная форма арганізацыі вучэбнай дзейнасці малодшых школьнікаў валодае значным патэнцыялам мадэрнізацыі адукацыйнага працэсу.

Як дасягнуць найбольшай эфектыўнасці ўрока сёння? Якімі сродкамі падняць у вучняў патрэбнасць у ведах, імкненне авалодаць імі, удасканальваць іх? Гэтыя і іншыя пытанні былі падняты ў выступленнях Бяляевай Н.В., Гур’евай В.Я., Кучынскай Н.М., Козел I.М., Красько В.К., Цяліпка Н.Я. і інш. на пленарным пасяджэнні, дзе было адзначана, што эфектыўнасць сучаснага ўрока заснавана на шырокай рэалізацыі сувязі з жыццём, на выкарыстанні новых формаў навучання, якія накіраваны на  прабуджэнне ў вучняў пачатковых класаў жадання пазнаваць, шукаць, эксперыментаваць. У ходзе семінара былі абазначаны перавагі і недахопы асноўнай формы арганізацыі навучання малодшых школьнікаў, паказаны розныя аспекты сучаснага разумення шляхоў яго абанаўлення.

Удзельнікамі семінара былі адзінадушныя ў тым, што правядзенне падобных семінараў спрыяе не толькі абагульненню і распаўсюджванню вопыту інавацыйнай дзейнасці педагогаў, але і садзейнічае іх прафесійнаму развіццю.

Кафедра беларускай і рускай моў з методыкай выкладання