Танцавальны флэш-моб адкрывае «Тыдзень пазітыву» ў БрДУ

12 верасня ў БрДУ імя А.С. Пушкіна пачаўся «Тыдзень пазітыву» пад дэвізам: «Мой статус: гляджу на жыццё пазітыўна!». Тыдзень стартаваў танцавальным флэш-мобам «Танцуй, пакуль малады...» Флэш-моб аб'яднаў удзельнікаў педагагічнага атрада «Лідар», студэнтаў біялагічнага, юрыдычнага і фізіка-матэматычнага факультэтаў, а таксама прадстаўнікоў савета студэнцкага самакіравання на чале са старшынёй Сняжанай Бадунец.

За акном цёплая і сонечная восень, і спецыялісты сацыяльна-педагагічнай і псіхалагічнай службы ўніверсітэта запрашаюць усіх жадаючых прыняць удзел у мерапрыемствах, арганізаваных у рамках «Тыдня пазітыву», напоўніць сябе адпаведным настроем і зарадзіцца пазітывам. Дарагія сябры, жыццё складаецца з мноства імгненняў, дык хай кожнае імгненне напаўняе вас радасцю. Уменне бачыць светлае нават у самой суцэльнай цемры, знаходзіць магчымасць дзяліцца цяплом з блізкімі, шанаваць усё тое, што ў нас ёсць, – вось складнікі шчаслівага жыцця!

Дарыце адзін аднаму добры настрой!!!

Аддзел выхаваўчай працы з моладдзю,
сацыяльна-педагагічная і псіхалагічная служба