Тыдзень факультэта замежных моў

З 27 кастрычніка па 1 лістапада 2014 года на факультэце замежных моў праходзіць Тыдзень факультэта замежных моў, прысвечаны 20-годдзю з дня яго заснавання. У праграме Тыдня факультэта: святочны канцэрт «20 гадоў –гэта толькі пачатак ...», прэзентацыя праграм акадэмічнай мабільнасці, вечар замежнага кіно, касцюміраваны вечар «Хэллоуін», Дзень адчыненых дзвярэй для абітурыентаў і многае іншае.

Усеагульнае захапленне выклікаў святочны канцэрт. Сольныя спевы, віртуозная ігра на акардэоне і гітары, трыа, дуэты, фокусы ілюзіяніста Валерыя Чулкова, пясочнае шоу Алены Чавусавай, усходнія танцы ў выкананні творчага калектыву «Азалаіс», маляўнічае светлавое афармленне залы, прадстаўленае кампаніяй ONPROMO.BY, фотасесія стварылі сапраўды цёплую святочную атмасферу.