У БрДУ адкрыўся STEM-цэнтр

29 снежня на фізіка-матэматычным факультэце БрДУ імя А.С. Пушкіна адкрыўся STEM-цэнтр.

На мерапрыемстве з нагоды яго адкрыцця рэктар універсітэта Ганна Сендзер адзначыла, што STEM-цэнтр створаны з мэтай папулярызацыі фізіка-матэматычнай адукацыі, правядзення для вучняў школ і студэнтаў курсаў па фізіцы, матэматыцы, праграмаванні і робататэхніцы, падрыхтоўкі іх да алімпіяд, а таксама для ўкаранення ў педагагічную практыку інавацыйных тэхналогій STEM-адукацыі. А яшчэ ён закліканы стымуляваць абітурыентаў да атрымання фізіка-матэматычнай адукацыі ў Брэсцкім дзяржаўным універсітэце імя А.С. Пушкіна.

Першы намеснік начальніка Галоўнага ўпраўлення па адукацыі Брэсцкага аблвыканкама Аляксандр Жук акцэнтаваў увагу на тым, што “ў перамідзе стварэння STEM-класаў з’яўляецца вяршыня – STEM-цэнтр, які будзе акумуляваць працу STEM-класаў, рыхтаваць спецыялістаў новага пакалення”.

Пасля зімовых канікул STEM-цэнтр чакае ўсіх ахвотных атрымліваць фізіка-матэматычную адукацыю.