У Пінску выбралі лепшага студэнта Брэсцкай вобласці

3 лістапада ў Палескім дзяржаўным універсітэце (г. Пінск) прайшоў абласны этап VI рэспубліканскага конкурсу «Студэнт года-2016». За права абараняць гонар ВНУ Брэсцкай вобласці ў фінале турніру змагаліся Мікалай Вабішчэвіч (Брэсцкі дзяржаўны ўніверсітэт імя А.С. Пушкіна), Карына Цялюшчанка (Брэсцкі дзяржаўны тэхнічны ўніверсітэт), Раман Шухно (Баранавіцкі дзяржаўны ўніверсітэт) і Анастасія Лукашэвіч (Палескі дзяржаўны ўніверсітэт). Усе годна прадставілі свае ўніверсітэты.

Канкурсанты прадэманстравалі свае камунікатыўныя навыкі ў самапрэзентацыі «Я – студэнт!», дзе наш Мікалай распавёў пра свае дасягненні, захапленні і ўразіў усіх сваімі вакальнымі дадзенымі. Усе ўдзельнікі былі вельмі розныя, як і іх захапленні.

Свае інтэлектуальныя здольнасці студэнты прадэманстравалі ў конкурсе «Мая краіна – Беларусь!», дзе ім трэба было адказаць на пытанні, што яны зрабілі б, калі б былі: рэктарам універсітэта, дэпутатам, сакратаром ЦК ГА «БРСМ», Міністрам адукацыі.

У конкурсе прэзентацый кніг «Крыніцы мудрасці» неабходна было творча расказаць пра літаратурны твор. Колем была абрана п’еса В. Дуніна-Марцінкевіча «Пінская шляхта».

Магчымасць спаўна раскрыць увесь спектр сваіх талентаў была дадзена канкурсантам у самым яркім выпрабаванні конкурснай праграмы – «Беларусь – культурная», дзе Мікалай у складзе вакальнага трыа «Рух» выканаў песню «А ў полi тры крынiчанькi».

Мікалай Вабішчэвіч стаў уладальнікам намінацыі «Гарманічная асоба».

Раман Шухно з БарДУ атрымаў намінацыю «За волю да перамогі», а студэнтка Палескага дзяржуніверсітэта Анастасія Лукашэвіч – намінацыю «За ўменне ўвайсці ў вобраз».

Найбольшую колькасць балаў удалося набраць студэнтцы 4-га курса эканамічнага факультэта спецыяльнасці «Эканоміка і арганізацыя вытворчасці ў будаўніцтве» БрДТУ Карыне Цялюшчанка. Будучы інжынер-эканаміст была ўганаравана званнем «Студэнт года» Брэстчыны.

Віншуем Мікалая і жадаем яму далейшых поспехаў!

Сняжана Бадунец, старшыня савета студэнцкага самакіравання