У прафсаюзнай арганізацыі студэнтаў змена лідара

17 лістапада 2014 года – цудоўнае свята – Дзень студэнта. Для студэнцкай прафсаюзнай арганізацыі гэты дзень запомніцца знакавай падзеяй. Іна Аляксееўна Жак, старшыня прафкама з васямнаццацігадовым стажам, выбрана на пасаду старшыні Брэсцкага гарадскога камітэта галіновага прафсаюза.

На чарговым пасяджэнні прафсаюзнага камітэта студэнтаў Брэсцкага дзяржаўнага ўніверсітэта імя А.С. Пушкіна В.А. Харытановіч прапанаваў выбраць на пасаду старшыні Рамана Валянцінавіча Чуля, намесніка старшыні прафкама, аспіранта кафедры гісторыі Беларусі. Пытанне на галасаванне было пастаўлена І.А. Жак. Прафсаюзны камітэт студэнтаў аднагалосна выбраў Р.В. Чуля на новую пасаду.

У сваім выступленні старшыня абкама прафсаюза высока ацаніў дзейнасць і вялікі асабісты ўклад І.А. Жак у развіццё прафсаюзнага руху ў сістэме адукацыі на Брэстчыне. І.А. Жак падзякавала ўсім членам прафкама студэнтаў за плённую і актыўную працу, пажадала студэнцкаму прафактыву далейшых поспехаў у рэалізацыі моладзевых ініцыятыў.

Прафсаюзны камітэт студэнтаў