Універсітэцкая студэнцкая навуковая канферэнцыя «Стан і перспектывы развіцця прадпрымальніцтва ў Брэсцкай вобласці»

16 сакавіка 2016 года ў БрДУ імя А.С. Пушкіна прайшла ўніверсітэцкая студэнцкая навуковая канферэнцыя «Стан і перспектывы развіцця прадпрымальніцтва ў Брэсцкай вобласці» ў рамках міжнароднага праекта «Стварэнне трансгранічнай платформы "Бізнестранс" для заахвочвання і падтрымкі супрацоўніцтва паміж бізнесам і навуковымі ўстановамі з мэтай ўстанаўлення больш цесных узаемаадносін», які рэалізуецца сумесна з Вышэйшай дзяржаўнай школай імя Папы Яна Паўла II (Рэспубліка Польшча, г. Бяла-Падляска).

Арганізатарам канферэнцыі выступіла кафедра тэарэтычнай і прыкладной эканомікі. У мерапрыемстве ўзялі ўдзел студэнты шасці факультэтаў (юрыдычнага, геаграфічнага, біялагічнага, сацыяльна-педагагічнага, гістарычнага і факультэта фізічнага выхавання).

У рамках канферэнцыі былі закрануты асноўныя праблемы і перспектывы прадпрымальніцтва ў Брэсцкай вобласці на трансгранічных тэрыторыях. Абмяркоўваліся сістэма падтрымкі прадпрымальніцтва ў Брэсцкай вобласці, вынікі развіцця прадпрымальніцтва ў 2015 г., праблемы ў сферы прадпрымальніцтва, а таксама роля грамадскіх арганізацый прадпрымальнікаў.

Кожнаму дакладчыку канферэнцыі былі ўручаны сертыфікаты ўдзелу ў навуковым мерапрыемстве.

Дзякуй за ўдзел!

Аргкамітэт