Універсітэцкі конкурс эсэ «Псіхалогія ў маёй будучай прафесіі»

 У лістападзе-снежні 2014 года ва ўніверсітэце праходзіў конкурс эсэ «Псіхалогія ў маёй будучай прафесіі». Арганізатарам конкурсу выступіла кафедра псіхалогіі развіцця сацыяльна-педагагічнага факультэта. Асноўная мэта, якую ставілі перад сабой арганізатары - натхніць студэнтаў (у тым ліку тых, для якіх яна не з’яўляецца будучай прафесіяй) да вывучэння псіхалогіі, паказаць яе значэнне для іх будучай педагагічнай дзейнасці, спрыяць развіццю ў іх сацыяльна-асобасных і рэфлексіўных кампетэнцый.

У конкурсе эсэ прынялі ўдзел студэнты сацыяльна-педагагічнага, гістарычнага, фізіка-матэматычнага, філалагічнага факультэтаў, факультэта замежных моў і Пінскага каледжа. Працы на конкурс прадставілі студэнты педагагічных спецыяльнасцей, для якіх псіхалогія - ледзь ці не самы важны прадмет з цыклу агульнапрафесійных дысцыплін.

 На факультэцкім этапе вядучымі выкладчыкамі псіхалагічных дысцыплін на факультэтах былі адабраны лепшыя студэнцкія працы, якія ўдзельнічалі ў конкурсе на ўніверсітэцкім этапе. Журы пад кіраўніцтвам заг. кафедры псіхалогіі развіцця дацэнта В.Ю. Маскалюк вызначыла пераможцаў конкурсу эсэ.

 Вызначаны пераможцы конкурсу ў наступных намінацыях:

• «За выразнасць і лагічнасць выкладу» - 1 месца: Пархуцік Алеся (факультэт замежных моў), 2 месца: Гаўрыленка Кірыл (гістарычны факультэт), Бялко Валянціна (сацыяльна-педагагічны факультэт), 3 месца: Кандрацюк Дар’я (сацыяльна-педагагічны факультэт).
• «За глыбіню пранікнення ў тэму» - 1 месца: Галушка Артур (факультэт замежных моў).
• «За натхненне» - 1 месца не атрымаў ніхто, 2 месца: Гузарэвіч Наталля (Пінскі каледж), 3 месца: Мішкевіч Дар’я (сацыяльна-педагагічны факультэт), Юсупава Арзыгуль (фізіка-матэматычны факультэт).
• «Ёсць меркаванне» - 1 месца: Снітко Алег (факультэт замежных моў), 2 месца: Траццяк Вера, 3 месца: Аксёнава Анастасія (філалагічны факультэт), Манчук Ала (сацыяльна-педагагічны факультэт).

Пераможцы конкурсу эсэ ўзнагароджаны граматамі, ім таксама ўручаны зборнікі матэрыялаў навукова-практычнай канферэнцыі «Псіхалогія сёння: погляд сучаснага студэнта».

Валітава І.Я.,  дацэнт кафедры псіхалогіі развіцця
сацыяльна-педагагічнага факультэта