Урачысты прыём у рэктара напярэдадні Міжнароднага Дня маці

7 кастрычніка ва ўніверсітэце адбыўся ўрачысты прыём у рэктара, прысвечаны Міжнароднаму Дню маці. Гасцямі свята сталі выкладчыцы і супрацоўніцы нашага ўніверсітэта, сярод іх – шматдзетныя маці, мамы, якія выхоўваюць дзяцей з асаблівасцямі псіхафізічнага развіцця, а таксама маці-адзіночкі.

Рэктар Г.М. Сендзер адзначыла, што кожная з жанчын вартая толькі самых цёплых слоў і віншаванняў. Ганна Мікалаеўна пажадала ўсім прысутным моцнага здароўя, дабрабыту, аптымізму і ўтульнасці ў сям’і.

Гандлёвы цэнтр нашага ўніверсітэта падрыхтаваў святочны пачастунак для гасцей. Кожнай жанчыне былі ўручаны падарункі ад «Санта Брэмар» і «Берасцейскага пекара». Музычным афармленнем урачыстасці сталі лірычныя песні ў выкананні мужчынскай вакальнай групы «Рух» (кіраўнік – Л.І. Борсук).