“Ёлка жаданняў”

Добрай традыцыяй для БрДУ імя А.С. Пушкіна стаў удзел у дабрачыннай кампаніі “Ёлка жаданняў”. Напярэдадні Каляд студэнты-валанцёры нашага ўніверсітэта сумесна з гарадской арганізацыяй “Беларускае таварыства Чырвонага Крыжа” наведалі дзіцячы сад № 10 г. Брэста.

Выхаванцы дзіцячага сада загадзя напісалі Дзеду Марозу пісьмы са сваімі самымі запаветнымі жаданнямі: рукзак, машынка, лялька, канструктар, праектар зорнага неба і г. д.

Студэнты-валанцёры падрыхтавалі для дзяцей інтэрактыўную пастаноўку. Бадзёрыя гульні са Снегавіком і вясёлыя танцы з Бабай Ягой дапамаглі Снягурачцы адшукаць Дзеда Мароза. У канцы святочнай пастаноўкі малыя атрымалі жаданыя падарункі. Дзед Мароз і Снягурачка пажадалі выхаванцам дзіцячага сада моцнага здароўя, добрага настрою і шчаслівых усмешак.