За моцную і квітнеючую Беларусь!

На базе БрДУ імя А.С. Пушкіна 24 снежня 2021 года прайшла дыялогавая пляцоўка “За моцную і квітнеючую Беларусь. Мы робім гэта разам!”, прысвечаная канстытуцыйнай рэформе ў Рэспубліцы Беларусь.

У мерапрыемстве прынялі ўдзел члены інфармацыйна-прапагандысцкіх груп факультэтаў. Мадэратарам выступіў намеснік дэкана юрыдычнага факультэта, кандыдат палітычных навук Эдуард Мікалаевіч Севярын.

Вітаючы ўдзельнікаў дыялогавай пляцоўкі, рэктар БрДУ імя А.С. Пушкіна, доктар педагагічных навук, прафесар Ганна Мікалаеўна Сендзер адзначыла павышаную цікавасць і студэнцкай моладзі, i выкладчыкаў універсітэта да Асноўнага Закона і канстытуцыйнага рэферэндуму.

У працэсе жывога дыялогу абмеркаваны пытанні гісторыі канстытуцыяналізму Беларусі, тэорыі і практыкі правядзення рэферэндуму як адной з формаў народнага волевыяўлення.

Падводзячы вынікі, удзельнікі дыялогу адзначылі актуальнасць і значымасць падобных мерапрыемстваў і выказалі пажаданне працягнуць абмеркаванне пасля афіцыйнага апублікавання праекта Асноўнага Закона.