Званні «Настаўнік» і «Педагог» – самыя важныя ...

Гэтыя словы Міністра адукацыі Рэспублікі Беларусь Міхаіла Анатольевіча Жураўкова, сказаныя 24.09.2015 на сустрэчы з работнікамі і навучэнцамі ўніверсітэта, сталі квінтэссенцыяй цікавага і канструктыўнага дыялогу. Якой павінна быць вышэйшая адукацыя, адукацыйны працэс сёння, задачы студэнцкага самакіравання – гэтыя тэмы знайшлі адлюстраванне ў выступленні Міхаіла Анатольевіча.

Пытанні студэнтаў і выкладчыкаў дазволілі даведацца пра меркаванне Міністра па праблемах унясення змяненняў і дапаўненняў у Кодэкс Рэспублікі Беларусь аб адукацыі, важнасці новых распрацовак гістарычнай навукі, сумяшчэння вучобы з працоўнай дзейнасцю, перспектывы ўдзелу Рэспублікі Беларусь у Балонскім працэсе.

Важным для маладых людзей стаў адказ госця на пытанне, якімі якасцямі павінен валодаць чалавек, каб стаць паспяховым. Міхаіл Анатольевіч назваў трыадзінай формулу: прафесіяналізм, працавітасць і вера ў мару.

Прэс-служба ўніверсітэта