Семінар «Роля жанчыны ў сучасным грамадстве»

Напярэдадні святкавання Міжнароднага жаночага дня 8 Сакавіка на базе кафедры нямецкай філалогіі факультэта замежных моў 5 сакавіка прайшоў семінар «Роля жанчыны ў сучасным грамадстве». У працы семінара прынялі актыўны ўдзел студэнты 1-3 курсаў факультэта замежных моў, прафесарска-выкладчыцкі калектыў кафедры нямецкай філалогіі.

Тэматыка семінара выклікала жывую цікавасць. Увазе ўдзельнікаў былі прапанаваны тэматычныя прэзентацыі «Славянскі вобраз», «Сучасная Лэдзі», «Амерыканскі стыль», «Жанчыны ў Германіі». Яркае ўражанне пакінула група студэнтаў факультэта замежных моў з Туркменістана, якая паказала аўдыторыі каларытную, яркую прэзентацыю на тэму «Жанчына вачыма Усходу». Падчас працы семінара ўдзельнікі актыўна дзяліліся сваімі ўражаннямі, ажыўлена абмяркоўвалі пытанні «Ці патрэбна жанчыне армія?», «Ці дастаткова сучаснай жанчыне ролі хатняй гаспадыні?», «Жанчыны ў палітыцы» і іншыя.

Па выніках анкетавання, праведзенага ў межах семінара, высветлілася, што з 78 апытаных удзельнікаў большасць бачаць «сучасную жанчыну» – паўнапраўным, актыўным, вальнадумным прадстаўніком сучаснага грамадства!