Акцыя «Усміхніся жыццю – ты яму падабаешся!»

Штогод 10 верасня Сусветная арганізацыя аховы здароўя, пры падтрымцы Міжнароднай асацыяцыі па прадухіленні самагубстваў, праводзіць Сусветны дзень прадухілення самагубстваў. З мэтай прыцягнення ўвагі студэнтаў да пытанняў псіхічнага здароўя, прафілактыкі дэпрэсіўнага стану і суіцыдальных паводзін сацыяльна-педагагічнай і псіхалагічнай службай універсітэта была арганізавана акцыя «Усміхніся жыццю – ты яму падабаешся!», у рамках якой адбыўся танцавальны флэш-моб ад студэнтаў педагагічнага атрада «Лідар».

Усе жадаючыя мелі магчымасць адлюстраваць свой эмацыйны стан на «Дрэве настрою» і працягнуць выказванне «Жыццё – гэта ...». Асаблівую цікавасць выклікала методыка «Стаўленне да жыцця», вынікі якой паказвалі асобасныя асаблівасці студэнтаў. Спецыялісты сацыяльна-педагагічнай і псіхалагічнай службы пазнаёмілі навучэнцаў з прыпавесцю «Дрэва жаданняў».

Усе ўдзельнікі акцыі атрымалі ў падарунак паветраныя шары з сюрпрызам: выказваннямі вядомых людзей аб пазітыўным настроі і стаўленні да жыцця.

Аддзел выхаваўчай працы з моладдзю, СППС