Дзень адчыненых дзвярэй

10 верасня у рамках «Дзён спорту і здароўя» ў турысцкім клубе «Бярэсце» прайшоў Дзень адчыненых дзвярэй. Папоўніць рады турыстаў універсітэта прыйшлі каля 30 першакурснікаў.

Студэнты пазнаёміліся з гісторыяй турклуба, спецыфікай яго працы, даведаліся пра перспектывы і планы на наступны год, глядзелі фотаздымкі і відэаролікі аб тых дзіўных месцінах, горных вяршынях, бурных рэках, глыбокіх пячорах, дзе ўжо пабывалі нашы турысты. Традыцыйна вечар скончыўся чаяваннем і песнямі пад гітару.

Таксама на першым паверсе галоўнага корпуса ўніверсітэта ў рамках «Дзён спорту і здароўя» праходзіць фотавыстава «На мяжы рызыкі», якая наглядна паказвае тое, чым займаецца турклуб на працягу 33 гадоў свайго існавання.

Спартыўны клуб