Кірмаш здароўя

Мы жывём не для таго, каб есці, а ямо для таго, каб жыць!
Сакрат

22 верасня ў інтэрнаце студэнцкага гарадка №3 у рамках Дня здаровага харчавання прайшла акцыя «Кірмаш здароўя», арганізаваная педагогам-псіхолагам Наталляй Сяргееўнай Ануфрыкавай, выхавальніцай Аленай Міхайлаўнай Гатоўчыц і прадстаўнікамі студсавета.

Распаўсюджваючы інфармацыйныя бюлетэні пра ўплыў сучаснага ладу жыцця на правільнае харчаванне чалавека, студэнты-актывісты заклікалі звяртаць увагу на сваё здароўе, каштоўнасна ставіцца да яго. Члены студсавета загадвалі загадкі пра ежу, расказвалі цікавыя факты і развенвалі міфы аб здаровым харчаванні.

У ходзе правядзення акцыі навучэнцы правялі міні-віктарыну «Што Вы ведаеце аб здаровым харчаванні?», дзе ўдзельнікі змаглі праверыць свае веды аб правільным харчаванні і прынцыпах падрыхтоўкі карысных страў.

Таксама ўсе жадаючыя наведалі выставу-дэгустацыю прадуктаў здаровага харчавання «Стол вітамінаў», дзе маглі паспрабаваць гародніну і садавіну, узбагаціць свой арганізм вітамінамі.

Праведзеныя мерапрыемствы акцыі дазволілі стварыць умовы для развіцця культуры здаровага харчавання сярод студэнтаў, развіць патрэбу ў захаванні правіл здаровага ладу жыцця, а таксама актуалізаваць веды навучэнцаў аб складніках здаровага харчавання.

Сацыяльна-педагагічная і псіхалагічная служба