Валанцёрская акцыя «Разам супраць ВІЧ/СНІДу!»

1 снежня 2015 года ў межах Сусветнага дня барацьбы супраць СНІДу ва ўніверсітэце прайшла валанцёрская акцыя «Разам супраць ВІЧ/СНІДу!», арганізатарамі якой выступілі Аддзел выхаваўчай працы з моладдзю, Сацыяльна-педагагічная і псіхалагічная служба і Савет валанцёраў універсітэта. Асаблівую актыўнасць праявілі студэнты-добраахвотнікі біялагічнага, гістарычнага і фізіка-матэматычнага факультэтаў.

Падчас акцыі валанцёры прапагандавалі здаровы лад жыцця і інфармавалі навучэнцаў аб спосабах абароны і шляхах перадачы ВІЧ/СНІДу. Каманда Савета валанцёраў універсітэта з дэвізам «Спяшаемся на дапамогу!» расказала ўдзельнікам мерапрыемства гісторыі пра тое, што каханне, сяброўства, узаемаразуменне могуць стаць абаронай ад СНІДу. Ва ўсіх жадаючых была магчымасць пакінуць на лісце ватмана клятву ў каханні і вернасці сваёй другой палавіне.

У фае вучэбнага корпуса № 1 дэманстраваліся відэафільмы і сацыяльныя ролікі прафілактычнай накіраванасці «Час жыць!». Найбольш актыўным удзельнікам акцыі былі ўручаны падарункі ў выглядзе календароў, распрацаваных Аддзелам выхаваўчай працы з моладдзю і Саветам валанцёраў універсітэта.

Традыцыйна ў гэты дзень усім неабыякавым да праблемы ВІЧ/СНІДу прымацавалі да адзення чырвоную стужачку – сімвал надзеі, што аб’ядноўвае людзей, якія заявілі аб неабходнасці асэнсавання праблемы СНІДу.

Педагог сацыяльны
аддзела выхаваўчай працы з моладдзю
Наталля Анатольеўна Вайтуховіч