Конкурс «Павер у сябе» на званне «Студэнт года»

17 снежня ва ўніверсітэце ў шаснаццаты раз прайшоў конкурс «Павер у сябе» на званне «Студэнт года». Па традыцыі ў ім узялі ўдзел дзесяць лепшых студэнтаў з усіх факультэтаў. Адкрыла гэтае самае значнае мерапрыемства для ўсяго студэнцтва рэктар, доктар педагагічных навук, прафесар Ганна Мікалаеўна Сендзер. Добрыя словы, шчырыя пажаданні поспеху кожнаму надалі ўпэўненасці канкурсантам.

У гэтым годзе ў праграме «Павер у сябе» былі 3 вынасныя этапы: практыкаарыентаваны праект «Брэст – культурная сталіца», відэапрэзентацыя праекта і конкурс інтэлектуалаў «Studiosus sapiens». Некаторыя фінальныя заданні на гэты раз перайначыліся. Першы конкурс самапрэзентацыя быў прадстаўлены ўдзельнікамі ў форме «Парада актыўнасці», які дэманстраваўся сумесна з групамі падтрымкі. У другім выступленні – конкурсе спічаў «Я – кіраўнік» – студэнты дэманстравалі свае ўменні ў размоўным жанры. У традыцыйным філасофскім рынгу, які праводзіцца ў фармаце рыторыкі хуткага рэагавання, з’явілася новае заданне «Прома-акцыя». Радасна, што з усімі конкурснымі заданнямі студэнты справіліся годна, пацвердзіўшы тое, што яны сапраўды лепшыя з лепшых.

Апошні этап праграмы заўсёды з нецярпеннем чакаюць не толькі ўдзельнікі, але і гледачы. Танцавальны конкурс на гэты раз уяўляў сабой мікс з харэаграфічных кампазіцый у вобразах герояў казак і мультфільмаў.

У нялёгкай барацьбе за ўладанне тытулам «Студэнт года» перамагла студэнтка 5 курса філалагічнага факультэта Анастасія Наздрын-Платніцкая. Так як у гэтым конкурсе няма прайграўшых, усе ўдзельнікі сталі пераможцамі ў асобных намінацыях:

• Анастасія Наздрын-Платніцкая – «Эрудыт і інтэлектуал»;
• Арцём Мокшын (студэнт 4 курса сацыяльна-педагагічнага факультэта) – «Годны пераемнік», «Лепшы студэнцкі праект»;
• Іна Ашмян (студэнтка 5 курса юрыдычнага факультэта) – «Студэнт года ONLINE»;
• Таццяна Шыкунец (студэнтка 5 курса псіхолага-педагагічнага факультэта) – «Цыцыроній сучаснасці»;
• Аліна Прывядзенец (студэнтка 3 курса фізіка-матэматычнага факультэта) – «Адкрыццё года»;
• Юлія Гайдукевіч (студэнтка 2 курса геаграфічнага факультэта) – «Майстар відэапрэзентацый»;
• Яна Рыжыкава (студэнтка 3 курса факультэта замежных моў) – «За ўменне ўвайсці ў вобраз»;
• Мікалай Вабішчэвіч (студэнт 3 курса факультэта фізічнага выхавання) – «Любімец публікі»;
• Марыя Гірыч (студэнтка 3 курса гістарычнага факультэта) – «Гарманічная асоба»;
• Сняжана Малей (студэнтка 3 курса біялагічнага факультэта) – «Перспектыўны спецыяліст».

Журы выказала падзяку ўсім удзельнікам за годнае прадстаўленне сваіх факультэтаў і сябе асабіста. Кожнаму канкурсанту, акрамя заснаваных прызоў рэктаратам і прафкамам студэнтаў, былі ўручаны спецыяльныя прызы ад спонсараў.

Арганізатар конкурсу – аддзел выхаваўчай працы з моладдзю – дзякуе ўсім, хто прыняў удзел у падрыхтоўцы і правядзенні гэтага свята. Асобная падзяка – студэнцкаму актыву.

Аддзел выхаваўчай працы з моладдзю