Бакінскі славянскі ўніверсітэт – БрДУ імя А.С. Пушкіна: дружба, супрацоўніцтва

З 15 па 18 сакавіка 2016 г. Т.В. Нічышына, член Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці, загадчык кафедры педагогікі пачатковага навучання БрДУ імя А.С. Пушкіна, падчас візіту парламенцкай дэлегацыі ў г. Баку (Азербайджан) наведала Бакінскі славянскі ўніверсітэт (БСУ) і пазнаёмілася з дзейнасцю Цэнтра беларускай мовы і культуры. Парламентарый высока ацаніла працу, якую праводзіць цэнтр па захаванні самабытнасці, папулярызацыі нацыянальнай культуры Беларусі, па культываванні пазітыўнага стаўлення да нашай краіны ў азербайджанскім моладзевым асяроддзі.

Варта адзначыць, што Цэнтр беларускай мовы і культуры ў БСУ быў адкрыты ў чэрвені 2010 года падчас візіту Прэзідэнта Рэспублікі Беларусь А.Р. Лукашэнкі ў Азербайджан.

Сустрэча ў Цэнтры беларускай мовы і культуры БСУ

Сустрэча з рэктарам БСУ, доктарам філалагічных навук, прафесарам Гаджыевым Асіфам Абасавічам

У час сустрэчы з рэктарам БСУ, доктарам філалагічных навук, прафесарам Гаджыевым Асіфам Абасавічам абмяркоўваліся пытанні ўзаемнага супрацоўніцтва ў адукацыйнай сферы. Выступаючы перад азербайджанскімі студэнтамі, Т.В. Нічышына расказала аб магчымасцях, якія ствараюць беларускія ВНУ (у тым ліку і БрДУ імя А.С. Пушкіна) замежным студэнтам, акцэнтаваўшы ўвагу на такіх формах адукацыйнага працэсу, як магістратура, летнія школы.

Бакі дамовіліся працягнуць супрацоўніцтва.

Сустрэча з міжпарламенцкай групай дружбы Азербайджан – Беларусь (акадэмік З.А. Самідзадэ)	Сустрэча ў Мілі Меджэлісе (Парламент) Азербайджанскай Рэспублікі (у цэнтры фатаграфіі – першы віцэ-спікер В.Ф. Аляскераў, віцэ-спікер Б.А. Мурадава)	У Мілі Меджэлісе (Парламент) Азербайджанскай Рэспублікі