Вынікі XVI Рэспубліканскай студэнцкай навукова-практычнай канферэнцыі «Праблемы фізічнай культуры і спорту»

24-25 сакавіка 2016 года на факультэце фізічнага выхавання БрДУ імя А.С. Пушкіна адбылася XVI Рэспубліканская студэнцкая навукова-практычная канферэнцыя «Праблемы фізічнай культуры і спорту». У працы канферэнцыі прынялі ўдзел 256 студэнтаў (з іх 16 – студэнты 1 і 2 курсаў) з устаноў вышэйшай адукацыі Брэста, Баранавічаў, Гомеля, Гродна, Магілёва. Было заслухана 207 дакладаў (6 пленарных, 164 секцыйныя, 37 стэндавых).

На пленарным пасяджэнні было заслухана 6 дакладаў, падрыхтаваных студэнтамі (Беразяўка Ірына, Касцючык Кацярына, Равенка Вольга, Свіціч Сяргей) і магістрантамі (Каштэлян Зоя і Несцярук Дар’я) факультэта фізічнага выхавання БрДУ імя А.С. Пушкіна.

Праца канферэнцыі прайшла па пяці секцыях. Падчас канферэнцыі былі разгледжаны актуальныя пытанні ў сферы фізічнай культуры, спорту і здароўя. Большасць дакладчыкаў прадставілі на абмеркаванне даклады з эксперыментальнымі дадзенымі, атрыманымі ў ходзе навукова-даследчай працы ў студэнцкіх навукова-даследчых групах.

Вынікам працы канферэнцыі стала ўручэнне ўсім дакладчыкам «Сертыфіката ўдзельніка», а таксама ўзнагароджанне студэнтаў за лепшы даклад на секцыях граматамі і падарункамі.

Узнагароды за лепшы даклад атрымалі:

• Секцыя 1. Тэарэтыка-метадычныя праблемы сучаснай сістэмы фізічнай культуры і спорту – Свіціч С.Р. (студэнт 4-га курса ФФВ), Беразяўка І.В. (студэнтка 3-га курса ФФВ).
• Секцыя 2. Тэарэтычныя і практычныя праблемы вучэбна-трэніровачнага працэсу і спаборніцкай дзейнасці ў розных відах спорту – Мішкевіч Я.Д., Трафімук Т.А. (студэнты БрДТУ), Брундукоў У.І. (магістрант БрДУ).
• Секцыя 3. Актуальныя праблемы спартыўных і рухомых гульняў і адаптыўнага спорту – Мельнік У.А. (студэнт 4-га курса ФФВ), Кахавец А.С. (студэнтка 3-га курса ФФВ).
• Секцыя 4. Падсекцыя 1. Сучасныя праблемы тэорыі і практыкі фарміравання ЗЛЖ, ЛФК і фізічнай рэабілітацыі – Касцючык К.В. (студэнтка 4-га курса ФФВ), падсекцыя 2. Медыка-біялагічныя асновы рухальнай актыўнасці дзяцей і моладзі – Паляціла В.А. (студэнт 3-га курса ФФВ), Якуновіч М.В. (студэнт БрДУ).
• Секцыя 5. Здароўезберагальныя тэхналогіі ў жыццядзейнасці студэнта – Папоў А.С., Быкава М.С. (студэнты БрДУ).

Палчас канферэнцыі адбылася выстава навукова-тэхнічнай творчасці і дасягненняў студэнтаў факультэта фізічнага выхавання «Навука, творчасць, фізічная культура, спорт».

Згаданая канферэнцыя стварыла ўдзельнікам унікальную магчымасць рэалізаваць сябе ў навукова-даследчай дзейнасці, павысіць якасць падрыхтоўкі і выхавання сябе як спецыяліста з вышэйшай адукацыяй, здольнага творча выкарыстоўваць у практычнай дзейнасці самыя новыя навуковыя дасягненні і распрацоўкі.

Кафедра спартыўных дысцыплін,
дэканат факультэта фізічнага выхавання